شاب متهور فقد والدته

**معلومات العضو**

شاب متهور تعرض إلى حادث وكانت معه أمه
فتوفيت وبقي هو علي قيد الحياه فكتب هذه القصيده:

يواسيني وانا الميت وحالـي يجبـر الدمعـات

تسيل من الذي فينـي ويبكـي وهـو يواسينـي

وانا ابكي واتنهـد وارسـم بالحـزن لوحـات

يجبروني عشان امشـي ورجلـي مـا تمشينـي

قتلت رعايتي بيدي قتلـت الحـب والرحمـات

حرمت النفس من حقها وانـا ابكيهـا وتبكينـي

وكنه حلـم قدامـي يقيدنـي مـن الصرخـات

ابي اصحى ولكني عجـزت القـى اللي يصحينـي

فداك القلب يايمه ومهمـا قلـت مـن كلمـات

صغيره في كبر حقـك بـس اتمنـى تعذرينـي

نهبت الفرح من بيتي صحيح اني خسيس الذات

صحيح اني ولد طايش وكل مـا أسمعـه فينـي

تجول عيونهم فينـي تفصـل منـي قياسـات

وتشيح وجوههم عنـي وكنـي غيـرت دينـي

يظنوا حزنهم اكبر وهـم اصحـاب هالمأسـاة

وانا اتحدى اذا فيهم ربـع مـا يحتـرق فينـي

نقص قدري بعد موتك وغابت نشـوة اللـذات

وصـار الهـم عكـازي اباكـيـه ويباكيـنـي

عطيتيني بدون حساب ولا سمعتك تقولي هـات

وانا اشرب حيل من دمـك ودمـك مـا يكفينـي

يايمه ارجعي كافي ابجلس معـك لـو لحظـات

واقبل ايدك ورجلك وافرش لـك رمـش عينـي

يايمه ما تحملهم يقولوا فـات مـا قـد مـات

تعالي غيري هالقـول واطيعـك باقـي سنينـي

واترك عادة التدخين وانفذ مـا تبـي بسكـات

واصلي الفجر في المسجد قبل منتـي تصحينـي

يايمه ارجعي تكفيـن وطفـي شمعـة الآهـات

ابيك انتـي ولا غيـرك علـى موتـك تعزينـي

وضميني وداويني مثـل مـا كانـت الهقـوات

ما ابي احدن يواسينـي ابيـك انتـي تواسينـي

دخيلك بس لا تبكي اذا شفتـي بـي الدمعـات

انـا مـقـوى ابكـيـك اذا انـتـي تبكيـنـي

منقول

**معلومات العضو**

ما اجملها من ابيات.. يعطيك العافية تدلل ومشكورة..

الله يعينه على فراق امه.. وما اصعب ان يتسبب الانسان في موت اعز الحبايب..

**معلومات العضو**

ابيات حزينة !!!؟؟؟

تدلل الله يعطيك العافية

والله قصيدة رائعة رغم حزنها

تسلمين قلبي

تحياتي وحبي

**معلومات العضو**

اشكركم على تواجدكم هنا تقبلوا فائق حبي

**معلومات العضو**

بوح رقيق

تسلم اناملك على هالمتصفح

بنتظار ما سيخطه قلمك

..،،

**معلومات العضو**

السلام عليكم ورحمة الله

قصيدة جميلة وجد حزينة

الله يعطيك الصحة والعافية

أختي تدلل

الله لايكتب انك تُمرِين بهذا الموقف

تقبلي طلتي

في أمان الله

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)